Maneno Lyrics by REBEKAH DAWN

Wakati mwingine 
Nikiketi kukuimbia mie 
Huwa nalemewa 
Kupata maneno yanayoshimiri 

Ni kama mtoto mchanga anapojaribu 
Kueleza ukubwa wa sayari 
Ni kama kidege kinapojaribu 

Kueleza upana wa mbingu 
Ni kama changarawe kujaribu 
Kueleza ukubwa wa bahari 

Ukweli ni kwamba 
Maneno yangu hayatoshi
Hayawezi kueleza

Hivyo daima na milele 
Siku zote za maisha yangu 
Nitatafuta kukuimbia 
maneno yanayokufaa  

Wakati mwingine 
Nikiketi kukuimbia mie 
Huwa nalemewa 
Kupata maneno yanayoshimiri 

Ni kama tone la maji 
Kujaribu kueleza mfuriko wa mvua 
Ni kama wapendanao 
Kujaribu kueleza fumbo la penzi 
Ni kama mshumaa kujaribu 
Kueleza kung’aa kwa jua

Ukweli ni kwamba 
Maneno yangu hayatoshi
Hayawezi kueleza 

Hivyo daima na milele 
Siku zote za maisha yangu 
Nitatafuta kukuimbia
Maneno yanayokufaa 

Ni kama jiwe linapojaribu 
Kueleza urefu wa mlima 
Ni kama sheha shupavu kujaribu 

Kueleza hadithi zote za jadi 
Ni kama mwenye dhambi kujaribu 
Kueleza neema ya msamaha  

Ukweli ni kwamba 
Maneno yangu hayatoshi
Hayawezi kueleza 

Hivyo daima na milele 
Siku zote za maisha yangu 
Nitatafuta kukuimbia
Maneno yanayokufaa 

Music Video
About this Song
Album : Maneno (Single),
Release Year : 2017
Copyright : (c) 2020
Added By: Huntyr Kelx
Published: May 06 , 2020
More Lyrics By REBEKAH DAWN
Comments ( 0 )
No Comment yet