Kwaheri Corona Lyrics

Kwaheri Corona Lyrics by MRISHO MPOTO

Corona funga virago utuwache salama
Sisi ni wamoja vita tutaishinda pamoja
Tanzania, twailinda Tanzania
Dunia, tupambane kwa pamoja

Tanzania, twailinda Tanzania
Dunia, tupambane kwa pamoja

Corona wewe ni nani?
Umekuja kwa ajili ya nani?
Unahitaji nini tukupe uondoke
Tuko tayari kukuchinjia jogoo
Tuliyemweka kwa ajili ya mbegu

Lakini kabla ya kumla jogoo wetu
Tukujulishe sisi ni kina nani, ukoo wa nani
Ili tusije kulaumiana siku za usoni
Corona sisi ni Tanzania, wajukuu wa Nyerere

Tunayeongozwa na jemedari wetu Magufuli 
Timu ya ushindi
Kuna makabila mia moja na ishirini 
Watu milioni hamsini na nane
Kumbuka Corona wewe ni Kidudu tena mmoja

Sisi ni wamoja, wenye uzalendo, utaifa ndani yetu
Linapokuja janga kama la ujio wako 
Tunakuwa kitu kimoja tunaungana 
Je tukuchinjie jogoo wetu au utaondoka?

Corona funga virago utuwache salama
Sisi ni wamoja vita tutaishinda pamoja
Tanzania, twailinda Tanzania
Dunia, tupambane kwa pamoja

Tanzania, twailinda Tanzania
Dunia, tupambane kwa pamoja

Corona baada ya uhuru
Mwalimu alitangazia umma maadui watatu
Ujinga, maradhi na umasikini
You know what? Tulimtandika asubuhi na mapema
Maana sababu na utayari tulikuwa nao

Corona umesimamisha dunia sio kama hatuoni
Eti umekuja kwa matone ya mdomoni na puani
Unaingia kwa kushikana mikono, hahahaha
Corona watu hawalali wanakuwaza wewe tu
Nataka niwakute kwa wingi haya, tumegoma kukusanyika 
Nitawapata kwenye salamu za mikononi, hatushikani mikono
Kwenye mahaba na mapenzi je? Corona, corona angalia ooh

Kumbuka maji na sabuni tunazo 
Na hatua tano za kunawa tunazijua
Tumeshawaelekeza watoto wetu, wajukuu zetu
Vilembwe vining'ina vyote nchi nzima
Yakwamba unaponawa, lowanisha mikono yako
Paka sabuni sugua kona zote
Suuza mikono yako kwa maji tiririka
Jifute kwa kitambaa safi au kung'uta

Corona tunakueleza haya 
Ili uondoke kwa hiari yako mwenyewe
Ndugu zangu wa Tanzania ili kushinda vita hii
Kila mmoja wetu ana nafasi ya kunawa mikono
Kulinda nchi yetu ya Tanzania

Corona funga virago utuwache salama
Sisi ni wamoja vita tutaishinda pamoja
Tanzania, twailinda Tanzania
Dunia, tupambane kwa pamoja

Tanzania, twailinda Tanzania
Dunia, tupambane kwa pamoja