Paroles de Glory ft Gifted

Paroles de Glory ft Gifted Par FID Q

Nilikua kama DIRA.. sina kazi baada ya chombo kutia nanga

au kama TIBA.. sikuwa na mchongo baada ya mgonjwa kukata kamba

MSHUMAA uliozimwa baada ya machweo kutanda

SHUJAA aliyeminywa.. wenye vyeo waweze tamba

nilitupwa kama pingu ya mfungwa alityetoka jela

Au fimbo ya kipofu baada ya mpofu kuiona hela

au mkono wa mzazi baada ya mtoto kujua kutembea

Nilisuswa kama boya mbele ya wajuaji wa kuogelea

nilishiwdwa kila vita.. nilipigika kama mjinga

Sikuwahi kuamini, kuna siku na Mimi wataanita bingwa

Wenzangu ikaanza kuwalipa.. mbona kwangu miamala haisomi?

Nikaumiza kichwa ili mipango isigome

Wakiweka milima Mimi ninaigeuza vitonga

Hata nusu hatua ni hatua.. mdogo mdogo nikawa ninasonga

Japo ni kwa mwendo wa kinyonga

Mbegu ili kuchipua lazima ioze kwanza mjomba

Mtaani ninakuta wana wananisemasema siwezi

Ndani yangu ninasikia sauti inaniambia jamaa unaweza

Anguko lina herufi sita, MUAMKO linazo pia

Huzuni ina herufi sita.. FURAHA inazo pia

Utukufu ni wako baba..Sifa zote unastahili

Sio leo tu, hata jana.. umeonyesha unanipenda mimi

Niilijihisi kama.. koroboi lilozimwa mida ya machweo

Fukofuko lilotoswa kiwavi ageuke kipepeo

Maswali yaliyokwisha baada ya elimu kupatikana

Sikujua. mapito niliyopita ni kipimo cha uungwana

Niliachwa kama kiota,ndege alipojua kupaa

Mateso hayakua ajali,bali ni mzani wa ushujaa

Nilikua ninanuka.. haukuona kinyaa

Ulininyanyua nikanyanyuka.. sasa kila kona ninang’aa

Niliyoyapitia yalionyesha nguvu niliyonayo

Majaribu yakauibua ujasiri niliopewa na Mayo

Nikawa hodari.. nikaweza kuukabili utata

Ndoto niliyokua nayo imegeuka uhalisia sasa

Umefanya nijiamini pasina kuweka chembe ya uoga.. nimekubali

Nilihitaji nianguke, ili ninyanyuke nikiwa ngangari

Nisikate tamaa au kuhofia

KUJIKATAA ina herufi tisa.. KUJIAMINI inazo pia

Utukufu ni wako baba

Sifa zote unastahili

Sio leo tu, hata jana.. umeonyesha unanipenda mimi