Sindagira unsange by THEOPHILE NTIBAHANANA Lyrics

Mugabo wanjye mugabo nkunda
Ngarukira sinagusenze
Disi nagusanze nisanga kuva mu bwangavu
No mu bukumi bwanjye
None aho mbereye Ngeli y’urugo rwawe
Ndandagara nkagandurwa n’abagenzi
Nditsamura nkikirizwa n’abahetsi
Nahindukira ngo umfate mu mugongo
Nkagangahurwa n’ubwigunge
Naragiwe n’ubwigenge bwawe

Sindagira unsange dusabane
Nka kera  (utaransuga?) utarasuhuka
Kera nkikiri Rudasumbwa
Ukinsimbagiza abasizi bakansingiza!

Nakugannye naragukunze
Reka kwiheza mu rwawe
Ngo ushiturwe n’amahanga
Reka kurarikira iby’isi
Bituma udashyigikira urwo washinze
Garura umutima ku byawe mugenzi
Dore inka zirakamwa
Ibigega birahunitse
Imice yabuze kibeyura
Inkangaza rukabukira
Inzara ihari n'imwe
Ni intimba y’umutima ugukunda

Sindagira unsange dusabane
Nka kera (utaransuga?) utarasuhuka
Kera nkikiri rudasumbwa
Ukinsimbagiza abasizi bakansingiza

Erega iwacu ni ahantu
Sinagishijwe na Ruzagayura
Sinahunze amahoro y'akarande
N'inkangu y’ukuboza si yo yanteruye
Sindi ikinege sindi n’ikinegu
Sindi impunzi sindi n’imfubyi
Sindi igicibwa sindi n’incike
Naje mpurujwe n’uruga....
Urugamba rw’urukundo rwo kubaka urwacu

Sindagira unsange dusabane
Nka kera (utaransuga?) utarasuhuka
Kera nkikiri rudasumbwa
Ukinsimbagiza abasizi bakansingiza

Music Video
About this Song
Album : Sindagira unsange ,
Release Year : 2019
Added By: Farida
Published: Mar 26 , 2020
More Lyrics By THEOPHILE NTIBAHANANA
Comments ( 0 )
No Comment yet
Leave a comment
Top Lyrics


You May also Like


Download Mobile App

© 2020, New Africa Media Sarl

Follow Afrika Lyrics