Paroles de Rwiga Rwa Ngai

Paroles de Rwiga Rwa Ngai Par KAWHITE MWANA WA WHITE

Kawhite daina mukiamukirie mwambe murute bamba matu
Riu thi yothe ikirite ihoru thamiri ciitu igicirithio
Ona dungata na athamaki a thi undu uyu utuikite kiriga
Ugi witu na mahinya ma thi ironeka ni iringite ihiga
Ndungata cia Ngai cianaria ma tukaira na gucinyururia
No urathi uhatukagwo ni ihinda wahinga mumenye kwi
Ngai Tutunyite Ngai rwiga rwake tukehoka thi na indo ciayo
Ngai ararandura uuma uthingu na kihoto niguo thi ihone
Ndungata cia ma na athamaki a thi mutigakome mung'orote
Kwi mukubio nja Ngai akihanda weru kigongona githeru
Uthingu uma na kihoto iria twamuriirwo tuthingatage
Nitwarekirie nitwirirei tutanathirira undu-ini uyu

Kiroto-ini donirio tuthiite ruui gwetha maai matheru
Ngiona tukihita na kunyuira githima kiaihurite ing'ang'i
Githima wamuriirwo uriithagie andu a Ngai maai matheru
Wiyurie niki giatonyire ho gikiujuga riri wa Ngai
Nituikaniirie miario na ngundi gwetha unene haria hamure
Njiarwa ciitu ikaga mucamo wa Ngai uyu wathaga irumi
Muthijiri Ngai Eli ahuthia ciana igithahia kigongona
Arumirwo na ruciaro rwake nitwirirei twihonokie
Thi-ino yothe igemetio ni itindo cia waganu na Ngai ng'eni
Tuhithagirira waganu niguo tugie ngumo thi twigune

Uthamaki wa thi na mbeeca ikauma mioyo ya andu na thakame
Ngai ici ng'eni iguturiithia nyeki ta Nebuchadnezzar
Kihoto na uuma cioragirwo itari hinya inyuaga munju
Mihaka ikigia muthini athina atigagirwo muoyo wa
Ngai Kuhambatiria na cia werere tha cia Ngai ikiaga wiikaro
Ngai tuohere nikuirigithia muoyo gutiri ungigaira
Miiri itu iihuire maroro ma waganu Ngai akanyira
Tungihura githuri gukana kuu ni kunyururia Ngai Ahoi
Ngai aria meiguite arahukai tuthaithe Ngai
Ona umurakaru tungiirira tha ciake niigutuhonokia
Ngai mwega tondu wi tha nyingi twahoya wororohie ngoro
Ni wihia witu nitwaumbura uguo huthahuthia tu marakara
Ororohia ngoro cia athamaki na atongoria a thi mecokere
Mahande kigongona kia riri waku ituri ciothe thi ng'ima